Vaco distrattamente abbandunato...

Ll'uocchie sott''o cappiello annascunnute,

mane 'int''a sacca e bávero aizato...

Vaco siscanno ê stelle ca só' asciute...

E 'a luna rossa mme parla 'e te,

Io lle domando si aspiette a me,

e mme risponne: "Si 'o vvuó' sapé,
ccá nun ce sta nisciuna..."  
 
E i' chiammo 'o nomme pe' te vedé,

ma, tutt''a gente ca parla 'e te,

risponne: "E' tarde che vuó' sapé?!

Ccá nun ce sta nisciuna!..."

Luna rossa,

chi mme sarrá sincera?

Luna rossa,

se n'è ghiuta ll'ata sera

senza mme vedé...

E io dico ancora ch'aspetta a me,

for''o barcone stanott'ê ttre,

e prega 'e Sante pe' mme vedé...

Ma nun ce sta nisciuna...

 
 

 
E infatti stanotte, “doppo e tre”
anch’io  fori 'r portone vo te vedé!
E se è nuvoloso accident’a tte!